Айшолпан Нұрғайып – дәстүрлі бүркітпен аңға шығу тарихындағы ең жас аңшы қыз. Ол 2014 жылы Батыс Моңғолияда жыл сайын өтетін «Алтын қыран» фестивалінде бүркітшілер сайысына қатысып, жеңімпаз атанды.

«Қыстың қатал ауа-райында 13 жасар аңшы қыз қолын созып тастың үстінде тұр. Артқы жағында Батыс Моңғолияның таулы пейзажы. Аңшы қыз салмағы 15 келі болатын бүркіттің қолынан баяу ұшып бара жатқанын күлімсірей бақылауда».

Израильдік фотограф Ашер Свиденский түсірген Айшолпан Нұрғайыптың осы суреті 2014 жылы интернетке тарап, ағылшын режиссері Отто Беллдің назарын аударған фотосуреттер топтамасының қатарына енеді. Көп ұзамай ол Свиденскийге хабарласып, аңшы қызды табу үшін бірге Моңғолияға ұшып барады.

Бірлескен жұмыстың нәтижесінде «Бүркітші» деректі фильмі жарыққа шықты. Фильмде Нұрғайыптың қырандармен аң аулаудың қиын, негізінен ер адамдардан тұратын саласын игеруге ұмтылысы, тәжірибелі жаттықтырушылар бүркіттерге жабайы аңдарды аулауды үйрететін моңғолдық дәстүрлі іс-әрекеті туралы баяндалады. Сондай-ақ деректі фильмде Нұрғайыптың «Алтын бүркіт» фестивалінде ең жас қатысушы және байқауға қатысқан тұңғыш әйел болғаны жайында баяндалады. Фильмнің ресми көрсетілімі әлемнің 28 елінде өтті.

«Бала кезімнен бүркітші болуды армандадым», – дейді Нұрғайып. «Менің басқа балалардан ешқандай да айырмашылығым жоқ».

Нұрғайыпқа отбасының, әсіресе әкесінің қолдауы үлкен қолдау көрсетті. Бұл оның болашаққа деген сенімін арттырды: «Алғашында мен біраз уайымдадым, бірақ қорықпадым», - дейді Айшолпан.

Бұл оқиға бүкіл әлемдегі қыздар мен әйелдерді шабыттандырды. Айшолпанның өмір жолы туған елінде де үлкен танымалдылыққа ие болды: бүркітпен аң аулауды үйренуге ұмтылатын қыздардың саны күннен күнге көбейіп келеді. Өз кезегінде Айшолпан жас қыздар қай жерде өмір сүрсе де, күмәндануға, сынға және қалыптасқан гендерлік нормаларға қарсы тұра алады деп үміттенеді. «Олар тырысып, батыл болуы керек», - деді ол (дереккөзі: https://asiasociety.org/asia-game-changers/aisholpan-nurgaiv).

2020 жылы Айшолпан Нұрғайып Лиз Уэлчпен бірге «Бүркітші қыз. Бүкіл үмітті ақтаған қыздың шынайы оқиғасы» кітабын жарыққа шығарды.

Айшолпан жас кезінде гендерлік кедергілерді қарсы тұрғаны үшін Asia Game Changer Award 2017 сыйлығының иегері атанды. Сондай-ақ, ол 2018 жылы 16 жасында Моңғолия Президентінің қолынан «Поляр жұлдызы» мемлекеттік медалін алды.

Лю Хен Шинг 1951 жылы Гонконгта дүниеге келген. Тегі қытайлық америка азаматы, Пулитцер сыйлығының иегері, фотограф, Associated Press агенттігінің бұрынғы фотожурналисі.

Лю Хен Шинг 20 ғасырдың соңғы онжылдығындағы өзгерген геосаяси ландшафтта Азия мен АҚШ елдерінде көптеген жұмыстар атқарды. Ол экономикалық реформалар төңкерісінен кейінгі Қытайдың қайта дамуы және Михаил Горбачевтің басшылығымен Кеңес Одағының ыдырауы секілді өткен ғасырдың екі маңызды тарихи оқиғасына қатысты фотосуреттердің авторы.

Associated Press агенттігі Люді сол еңбегі үшін 1989 және 1991 жылдары үздік фотограф деп таныды. Сондай-ақ, 1989 жылғы Тяньаньмэнь алаңындағы тәртіпсіздіктер туралы фотосуреттері үшін Миссури университеті «Жыл фотосы» номинациясымен марапаттады. Людің шынайы портреттері мен көше фотосуреттері оқиғаларға қатысушылардың көзқарасын айқын көрсеткен.

1991 жылы ол Мәскеуде Кеңес Одағының ыдырауы туралы мәлімдемесі кезінде КСРО басшысы Горбачевтың фотосуретін түсірген. Сол еңбегі үшін ол әріптестерімен бірге 1992 жылы Пулитцер және Шетелдік баспасөз клубының сыйлығын алған.

2000-2005 жылдар арасында ол News Corp еншілес компаниясы Star TV-дің атқарушы вице-президенті қызметін атқарды. Содан кейін, Creative Artists агенттігінде бас кеңесші ретінде жұмыс істеді. 2015 жылы Лю Хен Шинг Шанхай фотосурет орталығын құрып, күні бүгінге дейін басшылық лауазымында.

Соңғы кезде Лю Хен Шингтің фотосуреттері Қытайдағы бизнес пен өнер әлеміндегі сәттілік тарихын бейнелейтін тұлғалардың портреттерімен толықтырылды. Лю Хен Шингтің жұмысы қазір Пекиндегі Жұлдыздар галереясында (Star Gallery) қойылған.

Оның еңбектері: «Маодан кейінгі Қытай: фактілерде шындықты табу» (1983), «КСРО: империяның құлауы» (1991), «Қытай, елдің портреті» (2008), «Бүгінгі Шанхай: 1842 жылғы фотосуреттердегі тарих» (2010), «Төңкеріс кезіндегі Қытай: 1911 жылға саяхат» (2012), «Қызыл теңіздегі өмір» (2019).

1941-жылы Алматы облысының Райымбек ауданының орталығы Нарынқол селосында дүниеге келген.
Білімі: Алматы шет тілдері институтын бітірген (1958-1963). Ағылшын және қазақ тілдерінің маманы.
Ғылыми атақтары: Ресей және Қазақстан Жоғары мектеп ғылым академияларының академигі, филология ғылымдарының докторы, профессор.
Атқарған қызметтері:
1963–1990-жылдар аралығында Алматы шетел тілдері педагогикалық институтының мұғалімі, аға мұғалімі, ағылшын тілі факультеті деканының орынбасары, деканы, институттың оқу істері жөніндегі проректоры;
1990-1992-жылдар аралығында Алматы қаласы әкімшілігінің Сыртқы байланыстар бөлімінің бас маманы және АҚШ-тың Аризона штатындағы Алматы қаласымен бауырлас Тусон қаласындағы уәкілі;
1992-1997-жылдар аралығында Алматы шетел тілдері педагогикалық институтының ректоры;
1997-1999-жылдары Қазақстан Республикасы Білім, мәдениет және денсаулық сақтау министрлігіне қарасты Білім комитетінің төрағасы;
1999-жылы Абылай хан атындағы Қазақ халықаралық қатынастар және әлем тілдері университетінің ректоры;
1999-2000-жылдары Қазақстан Республикасы Сыртқы істер министірінің бірінші вице-министрі.
2000-2001-жылдары Қазақстан Республикасының Ұлыбритания, Ирландия Респубикасы және Норвегия Корольдігіндегі төтенше және өкілетті елшісі;
2001-2004-жылдары Қазақстан – Британ техникалық университетінің (ҚБТУ) негізін қалаған бірінші ректоры;
2004-2007-жылдары ҚБТУ-дың Халықаралық қатынастары жөніндегі проректоры;
2007-2013-жылдары Қазақстан Республикасы Паламенті Сенатының депутаты, Сенаттың Халықаралық қатынастар, қорғаныс және қауіпсіздік мәселелері жөніндегі тұрақты комитетінің хатшысы; 
2013-жылы Л.Н.Гумилев атындағы Еуразия Ұлттық Университетінің ЮНЕСКО кафедрасының профессоры;
2014-жылы Қазақстан Республикасы Президенті қасындағы Мемлекеттік басқару академиясының профессоры;
2015 -2017- жылдары Халықаралық Түркі Академиясының профессоры.
Қоғамдық жұмыстары:
2008-2013-жылдар аралығында ЕҚЫҰ Парламент Ассамблеясының мүшесі;
2009-2013-жылдар аралығында Еуропадағы қауіпсіздік және ынтымақтастық ұйымының (ЕҚЫҰ) Іс басындағы төрағаcының мұсылмандарды кемсіту және шеттетумен күрес жөніндегі жеке уәкілі;
 2011-2018-жылдары Қазақстан Президенті жанындағы Адам құқықтары жөніндегі комиссиясының мүшесі;

2013-жылдаан бері Қазақстан Халқы Ассамблеясының және сол Ассамблеяның Ғылыми-эксперттік комитетінің мүшесі;
2013-2020-жылдар аралығында Түркітілдес мемлекттердің Ынтымақтастық кеңесі аясындағы Ақсақалдар кеңесінің мүшесі.
Ғылыми монографиялары:
“Түркі тілдеріндегі табу мен эвфемизмдер”(1995, 2015); “Азия – Берингия – Америка немесе америкалық ‘үндістердің’ азиялық тегі” (қазақ және орыс тілдерінде, 2003, 2006); “Түбі түркі өркениет” (2009); “Америкалық ‘үндістердің’ алтайлық тегі” (2011); “Еуразия коды. Бесінші өркениет қарсаңында” (орыс, қазақ, поляк тілдерінде, 2011, 2012, 2013); “Ғалым, саясаткер және дипломат жазбалары” (2015); “Жаһанды жалғаған терең тамырлар” (2016); “Ғасыр ғибраты”, 2018 (1- басылым); “Ғасыр ғибраты”, 2019 (2- басылым); “Уроки столетия” (2020); “Колумб дәуірінен бұрынғы америкалық ‘үндістердің’ алтайлық тегі” (2020); “Түркі әлемінің ырым-тыйымдары” (2020).
Мемлекеттік марапаттары:
“Қазақстанның еңбек сіңірген қайраткері”, “Қазақстан Республикасы білім саласының үздігі”, “Қазақстан Республикасы дипломатиялық қызметінің еңбек сіңірген қызметкері” құрметті атақтарымен, “Құрмет” орденімен, ТМД елдерінің Парламентаралық Ассамблеясының “Содружество”орденімен, Бірінші дәрежелі “Барыс” орденімен, бірнеше медальдармен, Қазақстан Республикасы Президентінің алғысы және төсбелгісімен марапатталған; Алматы облысының және сол облысқа қарасты Райымбек ауданының құрметті азаматы.

Халил Акынlжы 1945 жылы Түркияның Мугла провинциясының Ула қаласында дүниеге келген. Измир колледжін, 1967 жылы Анкара университетінің саясаттану факультетінің халықаралық қатынастар бөлімін бітірген.

Акынджы мырза Түркия Сыртқы істер министрлігінде түрлі қызметтер атқарған. 1980 жылдың қаңтарынан 1989 жылдың наурызына дейін Брюссельдегі НАТО хатшылығында Кеңес Одағы істері бойынша әкімші лауазымында істеді. Ол Мәскеу қаласында үш рет түрлі қызметтерді атқарды: бірінші хатшы, кеңесші-елші және елші. Мәскеудегі Түркия елшілігінің кеңесші-елшісі ретінде ол 1992 жылдың желтоқсанынан 1993 жылдың мамырына дейін ЕҚЫҰ-ның бірінші аймақтық миссиясы болған Еуропадағы қауіпсіздік және ынтымақтастық жөніндегі кеңестің (ЕҚЫК) Грузиядағы Тұрақты өкілдігін басқарды. Акынджы Түркияның Любляна, Нью-Дели және Мәскеудегі елшісі болды.

2010 жылдың қыркүйегінде Елші Акынджы Әзірбайжан, Қазақстан, Қырғызстан және Түркия президенттерінің шешімімен Түркітілдес мемлекеттер ынтымақтастық кеңесінің Бас хатшысы болып тағайындалды. Кеңестік және посткеңестік Еуразияның белгілі сарапшысы ретінде 1975-2010 жылдар аралығында Кеңес Одағы, Ресей, Орталық Азия, Кавказ және Үндістан елдері бойынша көптеген ғылыми жиындар мен конференцияларға қатысты. Ол НАТО-да жұмыс істеген кезде мүше елдердің түрлі әскери академиялары мен университеттерінде дәріс оқыды.

Елші Акынджы Орталық Азия, Кавказ, Қара теңіз аймағы, Ауғанстан және Үндістан туралы бірнеше мақалалардың авторы. Жақында Мансура Хайдардың «Үнді-түрік архитектурасы» кітабын өңдеп, оған «Түріктер мен Үндістан, Үндістан мен Түркия» атты мақаласын қосты. 2010 жылдың желтоқсан айында ол Түрік Азия стратегиялық зерттеулер орталығы (TASAM) ұсынған «2010 жылғы Стратегиялық көзқарасы бар бюрократ» сыйлығын иеленді.

Елші Ақынджы – Қазақстанның Астана қаласындағы Еуразия университетінің құрметті профессоры. Ол 2015 жылдың қыркүйегіне дейін бір жыл Түркі кеңесі Хатшылығының кеңесшісі қызметін атқарды.

Қырғыз Республикасының Түркия Республикасындағы Елшісі Кубанычбек Омуралиев 2022 жылы 11 қарашада Өзбекстан Республикасының Самарқанд қаласында өткен Ұйым Саммиті аясында Мемлекет басшылары кеңесінің шешімімен Түркі мемлекеттері ұйымы Хатшылығының Бас хатшысы болып тағайындалды.

Омуралиев мырза Қырғыз Республикасының Беларусь, Эстония, Латвия, Литва, Түркия және Израильдегі Төтенше және Өкілетті Елшісі, Қырғыз Республикасының Тәуелсіз Мемлекеттер Достастығындағы Тұрақты Өкілі, сондай-ақ министрліктің түрлі бөлімшелерінде басшылық лауазымдарда, Сыртқы істер министрлігі мен басқа да мемлекеттік және қоғамдық құрылымдарда қызмет атқарды.

Өзінің мансабы барысында Омуралиев мырза Қырғызстанның әлеуметтік және зияткерлік даму үдерісіне елеулі үлес қосты, атап айтқанда, Қырғызстан Іскерлік орталар федерациясы төрағасының орынбасары, сондай-ақ Қырғызстанның Іскерлік орталар федерациясының Ұлттық үйлестірушісі, Экономикалық ынтымақтастық және даму ұйымы (ЭЫДҰ) жанындағы өтпелі экономикасы бар елдер үшін сыбайлас жемқорлыққа қарсы желі (ACN) Хатшылығының Консультативтік тобында ұлттық үйлестіруші қызметтерін атқарды.

Кубанычбек Омуралиев 2022 жылы «2021 жылдың ең табысты елшісі» сыйлығымен, 2020 жылы ТҮРКСОЙ ұйымының «Шыңғыс Айтматов» медалімен, 2019 жылы «Қырғыз Республикасы Сыртқы істер министрлігінің 75 жылдығы медалімен», 2018 жылы «Шыңғыс Айтматов арнайы медалімен», 2017 жылы «Тәуелсіз Мемлекеттер Достастығы Құрмет грамотасы» және 2006 жылы «Қырғыз Республикасының Құрмет грамотасымен» марапатталды.

25 жылдан астам дипломатиялық тәжірибесі бар Кубанычбек Омуралиев өз жұмысы барысында Түркі мемлекеттері ұйымының мүше-мемлекеттер мен бақылаушы-мемлекеттер үшін инновациялы әрі аса өзекті болуын, сондай-ақ, «2040 жылға арналған түркі көзқарасында» белгіленген ортақ мақсаттарға қол жеткізу жолында ілгерілеуді басты мақсат етіп қойды.

Синем Караның адам құқықтары саласында және аймақтарда гуманитарлық қызметте, сондай-ақ төтенше жағдай мен қақтығыстар кезінде штаб квартирада 13 жылдық тәжірибесі бар. Қазақстандағы БҰҰ-да Адам құқықтары жөніндегі кеңесші қызметіне дейін Йемен бойынша БҰҰ-ның халықаралық сарапшылар тобында құқыққорғаушы, Эфиопиядағы Аддис-Абебеде БҰҰ-ның адам құқықтары бойынша Кеңеспен уәкілеттік берілген тұлға болды.

Зерттеу саласы: аштық, соғыс әдісі ретінде, гуманитарлық көмекке кедергі жасау және Йеменнің бейбіт тұрғындарының өмір сүруіне қажетті нысандарға шабуыл жасау.

Бұған дейін ол Кабулда, кейін Гератта Ауғаныстанға көмек бойынша БҰҰ адам құқықтары бойынша миссиясы қызметінде жұмыс істеді. Ауғанстандағы Синем Кара зерттеулері бейбіт тұрғындарды қорғауға байланысты оқиғаларды тергеуді, әйелдер мен қыздарға қатысты зорлық-зомбылықты жоюды, алдын-ала қамауға алуды бақылауды және қамауға алу контекстіндегі іс жүргізу кепілдіктерін, сондай-ақ татуласу кезіндегі адам құқықтарының аспектілерін қамтыды.

2017 жылдан 2018 жылға дейін – Швейцарияның Женева қаласындағы Адам құқықтары жөніндегі Жоғарғы Комиссар Кеңсесінің төтенше жағдайларды жою бөлімінде істеді, онда Синем Кара гуманитарлық іс-шараларға, әсіресе Таяу Шығыста, Солтүстік Африка мен Азияда адам құқықтары принциптерінің интеграциясын тиімді қолдады.

Сонымен қатар, Адам құқықтары жөніндегі Жоғарғы комиссардың кеңсесі Синемді адам құқықтарының бұзылуын тергеу үшін Бангладештің Кокс-Базарындағы Солтүстік Ракхайн, Мьянмада орын алған жедел әрекет ету миссиясына жіберді.

2011 жылдан 2015 жылға дейін ол адам құқықтары мен демократияландыруға қатысты мәселелерді Еуропадағы қауіпсіздік және Ынтымақтастық Ұйымының Пейе/Пече аймақтық филиалында, Косовода қамтыды.

Халықаралық ұйымдардағы мансапқа дейін Түркияның адам құқықтары қауымдастығында жұмыс істеді, онда негізгі қызмет әйелдердің құқықтарымен және Түркиядағы жыныстық және гендерлік зорлық-зомбылықты жоюмен байланысты болды.

Синем Кара Түркиядағы Таяу Шығыс техникалық университетінде халықаралық қатынастар бакалавры дәрежесін және Италиядағы адам құқықтары жөніндегі Еуропалық университетаралық орталықта адам құқықтары және демократияландыру магистрі дәрежесін алды.

Түрік және ағылшын тілдерін жетік біледі, француз тілінде сөйлейді, сонымен қатар араб тілінің негіздерін біледі.

Бигалиев Мараттың USAID қаржыландыратын демократияны дамыту бағдарламаларында 25 жылдық тәжірибесі бар және Internews жобаларын қолдауда көшбасшылық пен бастамашылық көрсетуде. Қазақстандағы Internews өкілдігінде 2006 жылдың күзінен бастап жоба жетекшісі ретінде жұмыс істейді және Орталық Азияның барлық 5 елінде медиа және заң жобаларын дамытуға көмек көрсетеді. 2009 жылдың қарашасында Бегалиев бағдарлама менеджері ретінде жаңа лауазымға ие болды және Internews бағдарламаларының сапалы есептілігі мен мониторингін қамтамасыз ете отырып, аймақтық команданың жұмысында маңызды рөл атқарды. 2014 жылдың қазанынан 2015 жылдың наурызына дейін Бегалиев Қазақстандағы Internews елдік директоры ретінде жобаларды басқарды және менеджмент, коммуникация және қаржы үшін жауапты болды. 2015 жылдың наурызынан бастап Марат Бигалиев Internews Орталық Азиядағы өкілдігінің басшысы.

Internews-ке келгенге дейін Марат Бегалиев IFES-те (Халықаралық сайлау жүйелері қоры) жобалардың бас үйлестірушісі болып жұмыс істеді, бірнеше бағыттар бойынша жобаларға жетекшілік етті. Ол: сайлау, сайлаушыларды оқыту және азаматтық білім беру. Ол сондай-ақ, Сорос қорында пікірсайыс жобасының ұлттық үйлестірушісі және облыстық телерадиокомпанияда тележүргізушісі және редактор болды. Марат Бегалиев 1997 жылы ҚР Президенті жанындағы Қазақстан экономика және менеджмент институтында (ҚИМЕП) мемлекеттік басқару магистрі дәрежесін алды

Марат Фатхулин - Elsevier компаниясының вице-президенті. Ол ғылым және денсаулық сақтау саласындағы халықаралық ынтымақтастық мәселелеріне жауапты ретінде Еуропа, Африка, Таяу Шығыс, Орталық Азия, Ресей, Жапония және Қытай елдерінде қызмет етеді.

Марат федералды және аймақтық үкімет органдарымен, университеттермен және қаржыландыру агенттіктерімен тығыз байланыс орнатқан. Ол Elsevier компаниясында 2011 жылдан бері жұмыс істейді және қазіргі уақытта жахандық стратегиялық нетворг жөніндегі вице-президент қызметін атқарады.

Марат Фатхулиннің портфолиосында көптеген табысты ортақ жобалар бар. Атап айтқанда, университеттер мен өнеркәсіп арасындағы серіктестік есебінен өңірлік экономиканы дамыту, университеттерге кәсіпкерлік режимге көшу жөнінде кеңес беру және зерттеу нәтижелерінің сапасын арттыруға бағытталған табысты бағдарламаларды қабылдауға көмек көрсету.

Амир Бозиев - түрлі байқаулардың жеңімпазы, Сингапур мен Сан-Францискодағы (Blockchain Экономикалық Форумы) техникалық панельдік пікірталастың қатысушысы және модераторы, IT өнімдерін әрлеу мамандығы бойынша GameThinking академиясының (Калифорния) түлегі, тәжірибелі бағдарламалық жасақтама инженері.

Өз мансабының соңғы бес жылында ол Telegram, Google немесе Facebook сияқты сенімді үшінші тарапсыз деректерді беру саласын зерттеді. Web3 қоры оның зерттеулеріне қолдау көрсетіп, нәтижесінде әлеуметтік өзара әрекеттесу хаттамасының жаңа түрін құру мүмкін болды.

Барлығымыз үшін бір Facebook-тің орнына, әрбір пайдаланушыда opensource код негізінде әлеуметтік желінің көшірмесі болатынын елестетіп көріңіз. Биткойн немесе Эфириум сияқты танымал блокчейн платформаларына ұқсас орталықтандырылмаған желі ақпарат алмасуды жүзеге асырады.

Мұндай механика AI көмегімен белгілі бір деректерді бұғаттауды, мазмұн және жаңалықтар лентасын, сондай-ақ жаңалықтар алгоритмдерін манипуляциялауды жояды. Яғни, тарихта алғаш рет ешкім бақылай алмайтын медиа платформаларға ие боламыз.

Хакатон жанкүйері және MФТИ ұлттық хакатон командасының мүшесі ретінде Амир Бозиев Junction-мен қоса, 30-дан астам хакатонға қатысып, хакерлерді бұзған (https://telegra.ph/Junction-2019-phishing-attack-explained-11) -21). 12 ай ішінде оның командасы Бостон, Франкфурт, Сеул және әлемнің басқа қалаларында көптеген халықаралық турнирлерде жеңіске жетті.

Қазіргі кезеңде Амир Бозиев технологиялық кәсіпкер болу жолында. Осындай өтінішпен 2022 жылдың қыркүйегінде Мәскеу физика-техникалық институтының (МИПТ) технологиялық кәсіпкерлік факультетіне оқуға түсті.

Әйгілі Almеra тобында бизнесті дамыту жөніндегі вице-президент. Ол жасанды интеллект және компьютерлік көру технологиясын – қауіпсіздік, медицина, білім беру сияқты әр түрлі салаларда қолданумен айналысады.

Дмитрий сонымен қатар білім беру және емтихан саласында жасанды интеллект пен бетті тануды енгізу бойынша жұмысымен танымал. Examus компаниясының негізін қалаушы. 2006 жылдан бастап 2017 жылға дейін Дмитрий Истомин банктер, байланыс операторлары, мемлекеттік ұйымдар, кәсіпорындар үшін ақпараттық қауіпсіздік шешімдерін консалтингпен қамтамасыз етуге, жобалауға, енгізуге және техникалық қызмет көрсетуге маманданған Ural Security Systems Center (USSC, Ресей) бизнесті дамыту компаниясының директоры қызметін атқарды.

Өнертану докторы (PhD) Молдияр Ергебеков, Қожа Ахмет Яссауи атындағы Халықаралық Қазақ-Түрік университеті (1996-2000) және Анкара университеті Радио-ТВ-Кинематография бөлімінің түлегі (2000-2010). Қазақ киносының ұлттық мемлекет құру үдерісіндегі рөлі туралы докторлық диссертациясын қорғағаннан кейін бірнеше университетте еңбек етті: Темірбек Жүргенов атындағы ұлттық өнер академиясы, Қырғызстан-Түркия Манас университеті (Қырғызстан), Юта университеті (АҚШ), Газиантеп университеті (Түркия) және Алматы Менеджмент Университеті (AlmaU). Қазіргі таңда Ахмет Яссауи атындағы ХҚТУ қауымдастырылған профессоры. Abai TV және Qazaqstan ұлттық арнасындағы «Сана» бағдарламасын жүргізеді.

PhD. Ергебековтің сыни теория, кино және медиа зерттеулері, ұлттық кино, қазақстандық БАҚ-тың саяси экономиясы, гендер және қоғамдық алаң тақырыптары бойынша бірнеше зерттеулері бар. Оның педагогикалық тәжірибесі, зерттеулері, презентациялары мен еңбектері үш негізгі тенденцияға бағытталған: Әлеуметтік теория, медиа зерттеулері және кинотану.

Эрнест Уметалиев 18 жасында өзінің «Ekarecords» дыбыс жазу студиясын ашты. 17 жыл ішінде студия үлкен лейблға айналды – әртістерге продюссерлік қызмет ұсынылды, көптеген концерттер мен гастрольдер ұйымдастырылды, альбомдар жазылды, елдегі үздік орындаушылардың қатысуымен бейнеклиптер түсірілді.

2013 жылы «Ekarecords» лейблімен «Do + Fa» алғашқы музыкалық фильмі түсірілді. Фильм Орталық Азияның көптеген елдерінде хитке айналды, фильмдегі саундтректердің кавер нұсқаларын Қазақстан, Өзбекстан және т.б. елдердің орындаушылары орындады.

Сондай-ақ, студия өзге де көптеген фильмдердің продюссері ретінде танылды. 2017 жылы «Ekarecords» Алмазбек Атамбаевтың әніне жазылған «Тағдырға қарсы» музыкалық альбомын шығарды. Бұған қоса, альбомдағы тағы екі әнге клип түсіріліп, жарыққа шықты.

2019 жылы Эрнест Уметалиев YouTube желісінде D Billions балалар музыкалық тобын құрды. Бүгінде YouTube арнасында 13 түрлі тілде DBillions арнасы бар. Барлық жаңа әндер Spotify, Amazon, iTunes, Apple Music, Deezer, Yandex.Music, VKontakte және TikTok платформаларында да жарияланған. Арнаның ағылшын тіліндегі нұсқасының 23 миллионнан астам жазылушысы және 25 миллиардтан астам қаралымы бар.

Зоя Зайцева QS (QS World University Rankings) әлемдік рейтинг университетіне қарасты QS- компанияда серіктестік пен қайырымдылық қызметін дамыту бөлімін басқарады.

Бұған дейін ол 10 жылдан астам уақыт бойы Шығыс Еуропа мен Орталық Азияның аймақтық директоры, университеттер мен үкіметтерде халықаралық бәсекеге қабілеттілік пен өзара әрекеттесу стратегиясын дамыту бойынша жұмыс істеді. Зоя университеттердің рейтингтері мен басқа да бастамалары арқылы танымал болуға көмектесу үшін әлемдегі жергілікті университеттердің беделін көтеруді өзінің миссиясына айналдырды.

Ол тиімді басқарушы ретіндегі беделімен жаһандық серіктестікте 20 жылдан астам тәжірибесі бар жаңашыл маман. Бірнеше жастар мен білім беру ұйымдарының мүшесі, соның ішінде QS World Merit Charity қайырымдылық ұйымы да бар. Танымал халықаралық спикер және модератор, БҰҰ-ның тұрақты дамытуды мақсат тұтады, ол қазір университеттерге арналған эксперименттік оқыту бағдарламаларын әзірлеуге және жоғары оқу орындарымен серіктестік байланыстарын орнату бағытында жұмыс істеуде.

Климаттың өзгеруі және қоршаған орта жөніндегі UN PRME жұмыс тобының хатшысы ретінде Зоя мұғалімдерге, қауымдастықтарға, ұйымдарға және студенттерге арналған климаттық сауаттылық пен әрекетке арналған тренингке жетекшілік етеді. Зояның тәжірибелік бағыттарына серіктестік пен даму, интернационалдандыру және оқу орындарының брендін құруға көмектесу тақырыптары кіреді.

Хикмет Четин – саясаткер, мемлекет қайраткері және Түркияның бұрынғы Сыртқы істер министрі, 1937 жылы Түркияның Диярбакыр қаласында дүниеге келген. 1960 жылы Анкара университетінің саясаттану (экономика және қаржы) факультетін бітірген. Одан кейін, Мемлекеттік жоспарлау ұйымына жұмысқа орналасып, 1977 жылға дейін жоспарлау-экономикалық бөлімінің меңгерушісі қызметін атқарды. Четин мырза оқуын АҚШ-та жалғастырды және «Даму экономикасы» тақырыбы бойынша диссертация қорғап, магистрлік дәрежесін алған. Кейін ол АҚШ-тың Калифорния штатындағы Стэнфорд университетінде «жоспарлау модельдері» бойынша жұмыс істеді.

Оның саяси мансабы 1977 жылы Халықтық-Республикалық партияның (бұдан әрі – ХРП) мүшесі ретінде Парламентке сайланғаннан кейін басталды. 1978 жылы премьер-министрдің орынбасары болып тағайындалды. 1997 жылы Социал-демократиялық халықтық партия атынан парламентке қайта сайланды. Хикмет Четин «ХРП»-да түрлі басшылық лауазымдарды, соның ішінде Бас хатшы қызметін де атқарды. Ол 1991 жылы Парламентке қайта сайланып, 1991 жылдан 1994 жылға дейін екі коалициялық үкіметте Сыртқы істер министрі қызметін атқарды.

Екі партия Халықтық-Республикалық партия деген ортақ атаумен біріккен кезде, Хикмет Четин Біріккен сьезде осы партияның төрағасы болып сайланды. 1995 жылы ол қайтадан Мемлекеттік министр және Премьер-Министрдің орынбасары болып тағайындалды. 1995 жылғы жалпы сайлауда Четин мырза парламенттегі орнына қайта оралып, 1997 жылы қазанда Түркия Ұлы Ұлттық Мәжілісінің төрағасы болып сайланды. 2003 жылы 19 қарашада Хикмет Четин НАТО-ның Ауғанстандағы бас азаматтық өкілі ретінде тағайындалды және 2004 жылдың қаңтарынан 2006 жылдың тамызына дейін Кабулда қызмет етті.

Британдық актер, режиссер, «Peace One Day» атты әлемдегі атыс пен зорлық-зомбылықты тоқтатудың жыл сайынғы жаһандық жобасының (1999, АҚШ) негізін қалаушы.

Оның жобасының нәтижесінде, Ауғаныстандағы соғыс 1 күнге тоқтатылып, БҰҰ Бас Ассамблеясында 21 қыркүйек Халықаралық бейбітшілік күні деп бекітілді.

Джереми Гилли Peace One амбассадоры, актер Джуд Лоумен бірге Ауғанстандағы полиомиелитке қарсы 4,5 миллион баланың екпе алу науқанын басқарды. Өйткені, соғыс салдарынан аталған шараның іске асуы бірталай еді.

2016 жылғы McKinsey & Co зерттеуіне сүйенсек, Peace One Day жобасы туралы хабардың 2,2 миллиард адамға (әлем халқының 30%) таралып, нәтижесінде 21 миллион адамның бейбіт өмірді қалайтыны белгілі болды. Джеремидің мақсаты - 3 миллиард адамды қамтитын науқанды жүзеге асыру.

2018 жылы ол өзінің әлеуметтік үлесін көрсеткісі келетіндер үшін Impact Profile қолданбасын іске қосып, басқаларды да соған шабыттандырды. Пулитцер сыйлығының лауреаты Карен Блессен көркемдеген «Дүниежүзілік бейбітшілік күнін құру» атты балалар кітабының авторы.

Ол «Бейбітшілік үшін» атты Леннон-Оно грантын, Карнеги-Уотелер бейбітшілік сыйлығын алған (Голландиялық Карнеги қорымен марапатталады).

Абрамова Екатерина Валерьевна окончила филологический факультет Московского государственного университета имени М.В. Ломоносова по специальности «Русский язык и литература» в 1993 году.

Трудовую деятельность начала в Межгосударственной телерадиокомпании «Мир» на позиции корреспондента информационной службы.

Понимание специфики социально-политических процессов, происходящих на постсоветском пространстве, профессионализм и авторитет в трудовом коллективе позволили ей в 2003 году стать руководителем Информационной службы телеканала, а в 2006 году -Заместителем Председателя МТРК «Мир» по телерадиовещанию. В период с 2006 по 2022 год Е.В. Абрамова занимала должность директора телеканала «МИР».

На протяжении 20 лет Екатерина Абрамова является автором и ведущей информационно-аналитической программы «Вместе». Под её личным руководством производится большинство проектов МТРК «Мир». В их числе: циклы документальных фильмов «Тюрки России», «Содружество — это мы», «Двадцать лет вместе», «Достояние республик», «Тайны времени», мультимедийные патриотические проекты «Баллада о солдате», «Вахта памяти», «Блокаде.НЕТ», «Дети войны», «Дорога на Берлин». На счету Екатерины Абрамовой интервью с первыми лицами и Главами стран Содружества. Под руководством Екатерины Валерьевны в январе 2013 года был запущен в эфир круглосуточный евразийский информационный телеканал «МИР 24».   

Отмечена медалью ордена «За заслуги перед Отечеством» II степени за большой вклад в развитие телерадиовещания и многолетнюю плодотворную деятельность, медалью Межпарламентской Ассамблеи государств-участников СНГ и Межгосударственной телерадиокомпании «Мир» - «Древо дружбы» и другими наградами.

Абдулла Гюль 2007 жылдан 2014 жылға дейін Түркия президенті қызметін атқарды. Ол бұған дейін Түркияның Премьер-Министрі, Премьер-Министрдің орынбасары және Сыртқы істер министрі болған.

Абдулла Гюль демократиялық реформаларға назар аударды. Премьер-Министр, кейінірек Сыртқы істер министрі ретінде ол сыртқы саясатты белсенді жүргізді және Түркияның батысқа бағытталған дәстүрлі сыртқы саяси басымдықтары мен оның Таяу Шығыс пен мұсылман әлеміндегі жаңа мүдделері арасындағы тепе-теңдікті орнатуда айтарлықтай жетістіктерге жетті. Оның президенттікке кейінгі өтініші Түркиядағы зайырлылықты жақтаушылардың қатты қарсылығын тудырды және бастапқыда Конституциялық сот оның исламшыл саяси фонына қатысты алаңдаушылыққа байланысты бұғатталды.

Мансабының басында Гюль 1983 жылдан 1991 жылға дейін Сауд Арабиясындағы Ислам даму банкінде (IDB) экономист болып жұмыс істеді, 1991 жылы Әл-ауқат партиясының депутаты болып сайланды және IDB қызметінен кетті. Бастапқыда исламшыл Әл-ауқат партиясының мүшесі ол ізгілік партиясына 1998 жылы қоғамға қарсы қызметі үшін тыйым салынғаннан кейін қосылды. 2000 жылы партия радикалды исламшыл және модернистік фракцияларға бөлінген кезде, Гюль реформалар мен модерацияның қажеттілігін қорғауда өзінің партиялық серіктесі Режеп Тайып Ердоғанға қосылды. Ол 2001 жылы Ердоғанмен бірге қалыпты Әділет және даму партиясын (ПСР) құрды. Ол 2007 жылғы жалпы сайлаудан кейін Түркияның бірінші исламшыл президенті болып сайланды.

Намбарын Энхбаяр - 2000-2004 жылдары Моңғолияның Премьер-министрі, 2004- 2005 жылдары Парламент төрағасы, 2005-2009 жылдары Моңғолияның президенті қызметін атқарды. Ол - Моңғолиядағы ең жоғары үш лауазымда істеген алғашқы саясаткер. 1997-2005 жылдары Моңғолия Халықтық-революциялық партиясының (бұдан әрі – МХРП) және 2010-2021 жылдар аралығында Моңғол Халықтық- революциялық партиясының төрағасы қызметін атқарған. Үлкен ұлы Батшугар Энхбаяр – Моңғолия ұлттық партиясының атынан Мемлекеттік Ұлы Хуралдың депутаты.

2010 жылы Энхбаяр «Моңғол Халықтық революциялық партиясы» атты жаңа партияны құрды. 2011 жылдың 26 маусымында бұл партия Моңғолияның Жоғарғы сотынан Моңғол халық партиясының бұрынғы атауын қолдануға рұқсат алды. Энхбаяр осы құрылған партияның төрағасы қызметін атқарды.

1962-1967 жылдар аралығында Қырғыз мемлекеттік университетінде білім алып, Мәскеу мемлекеттік университетінің аспирантурасын бітірді. Осы жылдар ішінде Фрунзе ағаш өңдеу комбинатында жұмыс істеді, Қырғыз мемлекеттік университетінде сабақ берді.

1971-1990 жылдары мемлекеттік және партиялық басшылық қызметтерді атқарды: Ыстықкөл облыстық партия комитетінің хатшысы, Қырғыз КСР КП ОК идеология бөлімінің меңгерушісі, Қырғыз дене шынықтыру және спорт институтының ректоры, Қырғызстан Компартиясы Орталық Комитеті партиялық бақылау комиссиясының төрағасы, Қырғызстан Компартиясы Орталық Комитетінің идеология жөніндегі хатшысы.

1980-1995 жж. – бірнеше рет Республика Жоғарғы Кеңесінің, кейінірек – Жогорку Кенештің депутаты болып сайланды. 1990-1995 жылдары - «аңызға айналған» парламенттің спикері, 1995-1998 жылдары - Қырғыз ұлттық университетінің саясаттану және стратегиялық зерттеулер кафедрасының профессоры. 1998-2002 жылдары - Қырғызстанның Түркиядағы Төтенше және Өкілетті Елшісі, 2002-2007 жылдары - Қырғыз ұлттық университетінің саясаттану және стратегиялық зерттеулер кафедрасының профессоры. 2007-2012 жылдары - Қырғызстанның Ирандағы Төтенше және Өкілетті Елшісі.

ТМД Парламентаралық Ассамблеясын құрушылардың бірі. ІІ дәрежелі «Манас» орденімен және басқа да сыйлықтармен марапатталған. 2022 жылы «Ақ шумқар» арнайы төсбелгісімен марапатталып, «Қырғыз Республикасының Баатыры» («Қырғыз Республикасының Батыры») жоғары дәрежелі ерекше атағы берілді.

Сұлтан Раев 1958 жылы Қырғызстанда дүниеге келген. Ол 2022 жылы 31 наурызда ТҮРКСОЙ ұйымына мүше елдер Мәдениет министрлері Тұрақты кеңесінің кезектен тыс отырысында ТҮРКСОЙ Тұрақты кеңесінің мүшелері тарапынан бірауыздан ТҮРКСОЙ Бас хатшысы қызметіне сайланды.

1984 жылы Қырғыз мемлекеттік университетінің журналистика факультетін бітірген Раев мырза келесі қызметтерді атқарды: жалпы қоғамдық газеттің бас редакторы, Қырғыз Республикасы Білім және мәдениет министрінің орынбасары, ЮНЕСКО ұлттық комиссияның төрағасы, Қырғыз Республикасы Президентінің кеңесшісі, Қырғыз Республикасының Мәдениет және ақпарат министрі. Ол бүгінге дейін Түркі мемлекеттері ұйымы (ТМҰ) Бас хатшысының орынбасары лауазымында жұмыс істеді.

Сұлтан Раев – Қырғызстанның көрнекті әдебиет қайраткерлерінің бірі. Ол мемлекеттік қызметпен қатар шығармашылықпен де айналысады. Жазушының түркі әлемінде қалың оқырманды тәнті еткен әңгімелері, романдары, драмалары мен сценарийлерінен бөлек, дүние жүзінің әртүрлі тілдерінде жарық көрген шығармалары Азия мен Еуропаның түрлі елдерінде үлкен резонанс тудырды.

Қырғыз Республикасының халық жазушысы Сұлтан Раев мәдениетаралық жақындасу мен түрлі елдер мен халықтар арасындағы қарым-қатынастар саласындағы ерекше үлесі мен жемісті қызметі үшін түрлі мемлекеттер мен халықаралық ұйымдардың көптеген жоғары наградаларымен марапатталған.

Баку мемлекеттік университетінің тарих факультетін бітірген. Әзірбайжан Ұлттық ғылым академиясының Философия және құқық институтында кандидаттық диссертациясын қорғаған.

Әзірбайжан Республикасы Президентінің Әкімшілігінде, Жастар және спорт министрлігінде жұмыс істеген. 2012-2019 жылдары Әзірбайжан Республикасы Президенті жанындағы Стратегиялық зерттеулер орталығының директоры қызметін атқарды.

2022 жылы Оңтүстік Кавказ зерттеу орталығын құрып, оған жетекшілік етті. «Валдай» халықаралық пікірталас клубының сарапшысы, халықаралық экономикалық форумның сарапшысы, Астана клубының мүшесі.

2 кітап және 200-ден астам ғылыми-публицистикалық мақалалардың авторы.

Гасан Гасанов 1940 жылы 20 қазанда Тбилисиде жұмысшы отбасында дүниеге келген. 1962 жылы Әзірбайжан политехникалық институтын бітіргеннен кейін, Бакуде комсомолдық жұмысты атқарды: Баку қалалық комсомол комитетінің нұсқаушысы; Баку аудандық комсомол комитетінің екінші хатшысы; Әзірбайжан КСР Бүкілодақтық лениндік коммунистік жастар одағы Орталық Комитетінің сектор меңгерушісі.

1967-1981 жылдары Әзірбайжан Компартиясы Орталық Комитетінде түрлі қызметтерді атқарды: нұсқаушы, сектор меңгерушісі, бөлім меңгерушісінің орынбасары, Сумгаит қалалық партия комитетінің бірінші хатшысы, Кировабад қалалық партия комитеті.

1981 жылы Гасанов Баку жоғары партия мектебін бітірді. Сол жылы Әзербайжан Компартиясы Орталық Комитетінің хатшысы, 1990 жылы қаңтарда Әзірбайжан КСР Министрлер Кеңесінің төрағасы болып тағайындалды. Әзірбайжан тәуелсіздік алғаннан кейін, Гасан Гасанов тәуелсіз республиканың бірінші премьер-министрі болды және бұл қызметті 1992 жылдың сәуіріне дейін атқарды. Сол жылдың сәуір айында Әзірбайжан Республикасының БҰҰ жанындағы Тұрақты өкілі болып тағайындалды.

1993 жылы Гасан Гасанов Әзірбайжан Сыртқы істер министрлігін басқарды. 2004-2010 жылдары - Әзірбайжан Республикасының Венгриядағы Төтенше және Өкілетті Елшісі. 2010-2021 жылдары - Әзірбайжан Республикасының Польшадағы Төтенше және Өкілетті Елшісі.

«Нариман Наримановтың ұлттық мемлекеттік көзқарастары мен қызметі» кітабының және «Брюссель хаттары» пьесасының авторы.

1988 жылы А.А. Жданов атындағы Ленинград мемлекеттік университетін бітірген, филолог-шығыстанушы, 1-ші дәрежелі төтенше және өкілетті елші. Қазақ, орыс, ағылшын, түрік, неміс тілдерін жетік игерген.

1988 жылы Қазақ КСР Ғылым академиясы Ұйғыртану институтында аға лаборант қызметін атқарды. 1989-1991 жылдары КСРО ҒА Тіл білімі институтының Ленинград бөлімшесінің стажер-ғылыми қызметкері. 1991 жылы - Қазақстан Республикасы Сыртқы істер министрлігі Консулдық бөлімнің екінші хатшысы. 1992-1994 жылдары - Қазақстанның Түркиядағы Елшілігінің үшінші хатшысы, Қазақстан Республикасы Сыртқы істер министрлігі Ақпараттық-талдау басқармасының кеңесшісі. 1994-1996 жылдары - Қазақстан Республикасының Түркиядағы Елшілігінің екінші хатшысы. 1996 жылы - Қазақстан Республикасы Президентінің Протокол қызметінің бастығы.

1997-1998 жылдары - Қазақстан Республикасы Президентінің баспасөз хатшысы - баспасөз қызметінің жетекшісі. 1998 жылғы мамырдан қазанға дейін - Қазақстан Республикасы Президентінің баспасөз хатшысы. 1998-1999 жылдары - Қазақстан Республикасы Сыртқы істер вице-министрі. 1999-2003 жылдары - Қазақстан Республикасының Түркия Республикасындағы Төтенше және Өкілетті Елшісі. 2003-2007 жылдары - Қазақстан Республикасының Германия Федеративтік Республикасындағы Төтенше және Өкілетті Елшісі.

2007-2008 жылдары - Қазақстан Республикасы Сыртқы істер министрінің орынбасары, Еуропалық Одақпен ынтымақтастық жөніндегі ұлттық үйлестіруші. 2008-2010 жылдары - Қазақстан Республикасы Президентінің көмекшісі. 2010 жылғы қыркүйектен 2014 жылғы ақпанға дейін - Қазақстан Республикасы Сыртқы істер министрінің орынбасары.
2014 жылдың ақпан айында Қазақстанның Австриядағы Төтенше және Өкілетті Елшісі, Вена қаласындағы халықаралық ұйымдар жанындағы Қазақстан Республикасының Тұрақты өкілі болып тағайындалды.
2014 жылдың тамызынан - Қазақстанның Словения Республикасындағы Елшісі.

«Нұрсұлтан Назарбаев, Қазақстан Республикасының Президенті» (құрастырушы), «Астана – өмір әуені» (бас редактор), «Қазақстан – Еуразия жүрегі» (редколлегия мүшесі) кітаптарының, көне түркі филологиясы бойынша ғылыми және ғылыми-танымал мақалалар, «Қазақстан және әлем елдері» халықаралық саясаттың өзекті мәселелеріне арналған мақалалар авторы.

Куршад Зорлу Селчук университетінің мемлекеттік басқару факультетін бітірген. Мемлекеттік басқару магистрі, басқару және ұйымдастыру саласының докторы. Ол АҚШ-тың Оңтүстік Каролина университетіне профессор ретінде шақырылған. 2013 жылы «Менеджмент және стратегия» саласының доценті атағын алды. Бозок университетінде экономика және әкімшілік ғылым факультетінің деканы қызметін атқарды. Анкарадағы Хаджи Байрам Вели университетінің Экономика және әкімшілік ғылым факультетінің профессоры.

Куршад Зорлу Yeniçağ, Vatan және Habertürk газеттерінің шолушысы, сонымен қатар теледидарда комментатор болған. Ол түркі әлеміне қатысты бірқатар кітаптардың, мақалалардың және түрлі марапаттарға ұсынылған деректі фильмдердің авторы. 2022 жылдың 19 қазанында IYI (Жақсы партия) партиясының өкілі және төрағаның бас кеңесшісі болып тағайындалды.

Дүйсен Қасеинов Құрманғазы атындағы Алматы консерваториясын және П.Чайковский атындағы Мәскеу консерваториясын бітірген. Профессор, испан және ағылшын тілдерін игерген.

«Асыл мұра» республикалық коммерциялық емес жобасы Қамқоршылық кеңесінің төрағасы, «Дегдар» гуманитарлық қорының президенті. 2003 жылғы қыркүйектен 2004 жылғы қыркүйекке дейін Қазақстан Республикасы Мәдениет министрлігін басқарды.

Соңғы уақытта - Қазақстан Республикасы Сыртқы істер министрлігінің Ерекше тапсырмалар жөніндегі Елшісі, Қазақстан Республикасы Тәуелсіз Мемлекеттер Достастығының мәдени-гуманитарлық ынтымақтастық жөніндегі арнайы өкілі. 2008 жылдың мамыр айынан бастап ТҮРКСОЙ ұйымының Бас хатшысы қызметін атқарды.